چوری کے الزام میں پانچ افراد گرفتار

مظفر نگر(بھاشا)۔ضلع کے پھگانہ گاؤں میں پولیس نے ٹیوب ویل کا موٹر چرانے کے الزام میں ۵ لوگوں کو گرفتار کرکے چوروں کے گروہ کا پردہ فاش کیا ہے۔ تھانہ انچارج وید پرکاش نے بتایا کہ مخبر کی اطلاع پر پولیس نے ۵ لوگوں کو گرفتار کیا ہے اور ان کے قبضہ سے چوری کا موٹر اور ٹیوب ویل کا سامان برآمد کیا ہے ۔ ملزمین کی شناخت انل کمار ، کلوا ، اندرسین ، سنجے اور سنجیو کمار کے طورپر کی گئی ہے ۔ تھانہ انچارج نے بتایا کہ ملزمین کے خلاف مقدمہ درج کرلیا گیا ہے ۔