چوکیدار نے طالبہ کی آبروریزی کی

پرتاپ گڑھ: اترپردیش میں پرتاپ گڑھ ضلع کے تھانہ رانی گنج میں تعینات چوکیدار کے خلاف گاوں پردہائی کی ایک طالبہ کے ساتھ آبروریزی کرنے کی شکایت پر سپرنٹنڈنٹ آف پولیس کے حکم پر دو شنبہ کی رات ایف آئی آر درج کی گئی۔تھانہ دانی گنج انچارج انسپکٹر سنجے شرما نے بتایا کہ رام برن (۰۶) چوکیدار ہے ، جس کے خلاف گاوں کی نابالغ لڑکی کے ساتھ آبروریزی کرنے کے الزام کی رپورٹ درج کی گئی ہے ۔لڑکی کو طبی معائنہ کے لئے ضلع کے زنانہ اسپتا ل بھیجا گیا۔ پولیس معاملے کی جانچ کررہی ہے ۔