لکھنؤ(نامہ نگار)گوسائیں گنج علاقہ میں ایک شرابی پر اس کی بھتیجی کی آبروریزی کرنے کا الزام عائد کیا گیا۔اس معاملہ میں پولیس نے ملزم کے خلاف رپورٹ درج کر کے اس کو حراست میں لے لیاہے جبکہ متاثرہ لڑکی کو پولیس نے طبی جانچ کیلئے بھیج دیا ہے۔ خبر کے مطابق گوسائیں گنج واقع بکاس گاؤں کی ایک لڑکی اتوار کی دوپہر جانوروں کو لے کر کھیت میں گئی ہوئی تھی۔ لڑکی کا الزام ہے کہ اس کا چچا وہاں پر آیا اور اسے تنہا دیکھ کر زبردستی سرسوں کے کھیت میں لے گیا۔ اس کے بعد ملزم نے لڑکی کی آبروریزی کی۔ اسی دوران لڑکی کے گھر والے اسے تلاش کرتے ہوئے کھیت پر پہنچ گئے انہیں آتا ہوا دیکھ کر ملزم وہاں سے بھاگ گیا۔ کنبہ کے لوگوں کو لڑکی کھیت میں بدحواس حالت میںملی۔ کنبہ کے افراد اسے اٹھا کر گھر لے گئے گھر پہنچنے کے بعد لڑکی نے پورا واقعہ کنبہ کے لوگوں کو بتایا لڑکی کے والدین شکایت کرنے کیلئے تھانہ پہنچے۔ پولیس نے اس معاملہ میںملزم کے خلاف آبرورریزی کا مقدمہ درج کر کے اسے حراست میں لے لیا اور لڑکی کو طبی جانچ کیلئے اسپتال بھیج دیا ہے۔
