چھتر پتی شاہو جی مہاراج کی منائی گئی جینتی

لکھنو¿:چھترپتی شاہو جی مہاراج اسمرتی منچ کے زیر اہتمام چھتر پتی شاہو جی مہاراج کی جینتی کنگ جارج میڈیکل کے سیلوی ہال میں دھوم دھام سے منائی گئی۔ اس موقع پر گورنر رام نائک نے کہا کہ چھتر پتی شاہو جی مہاراج مہاراشٹر کے شاہی گھرانے میں پیدا ہوئے۔ انہوںنے شاہی گھرانے کا لطف نہیں لیااور دلتوں ، پسماندہ افراد کی اقتصادی ، سماجی، سیاسی برابری لانے کے لئے ریزرویشن کی تجویز کرکے انہیں سماج میں برابری دلانے میں ساری زندگی وقف کردی۔تقریب کو خطاب کرتے ہوئے سوامی پرساد موریہ نے کہا کہ چھتر پتی شاہو جی مہاراج عظیم شخصیت کے مالک تھے۔ پورے ملک کا دورہ کرکے سماج میں پھیلی برائیوں سے پریشان ہوکر کئی طرح کے قانون بناکر دلتوں ، پچھڑوں کو مساوی درجہ دلانے میں تعاون کیا۔