ممبئی (وارتا)بالی ووڈ کے کنگ خان شاہ رخ خان ایک بار پھر سے چھوٹے پردے پر اپنا جلو ہ بکھیر سکتے ہیں۔شاہ رخ نے اپنے کیریئر کے ابتدائی دور میں چھوٹے پردے پر فوجی اورسرکس جیسے سیریلوںمیں کام کیاتھا۔اس کے بعد انھوں نے مقبول گیم شو کون بنے گا کروڑپتی کی میزبانی کی تھی۔ بتایا جاتاہے کہ شاہ رخ بین الاقوامی ٹیلی ویژن شو گاٹ ٹیلینٹ کے ہندوستانی ایڈیشن کی میزبانی کرتے ہوئے نظرآئیں گے۔اس پروگرام کا ٹیلی ویژن پر لائیوٹیلی کاسٹ کیاجائے گا۔بتایاجاتاہیکہ اگرسب کچھ منصوبے کے مطابق ٹھیک رہا توگاٹ ٹیلنٹ اورایکس فیکٹر کے پروڈیوسربین الاقوامی ٹیلی ویژن شخصیت سائمن کویل بھی پروگرام میں شامل ہونے ممبئی آئیں گے۔گاٹ ٹیلنٹ کا پہلا لائیو ٹیلی کاسٹ پروگرام دسمبر میں ممبئی کے اندھیری سپورٹس کامپلکس میںرکھا جائے گا۔
