’چھیاں چھیاں سے قبل شاہ رخ کو نہیں جانتا تھا:سکھ وندرسنگھ

ممبئی۔سکھ وندر سنگھ نے حال ہی میں ریلیز ہونے والی فلم ’کل دل‘ اور ’ہیپی نیو اییر‘ کے لیے بھی گانے گائے ہیںبھارت کے معروف
کا کہنا ہے کہ وہ ایک زمانے میں زبان زد عام گیت ’چلے چھیاں چھیاں‘ سے پہلے شاہ رخ خان کو نہیں جانتے تھے۔یہ گیت شاہ رخ خان کی فلم ’دل سے‘ کا ہے اور یہ بہت مقبول ہوا تھا۔سکھ وندر نے حال ہی میں ریلیز ہونے والی شاہ رخ خان کی فلم ’ہیپی نیو ایئر‘ کے لیے بھی گانے گائے ہیں۔وہ گذشتہ دنوں بی بی سی کے دہلی دفتر میں تشریف لائے۔اس موقع پر ایک یہ سوال کیا گیا کہ فلموں میں گانے کے علاوہ سکھ وندر سنگھ مزید کن چیزوں میں مصروف ہیں؟انھوں نے کہا: ’میں ابھی ہندوستانی کلاسیکی موسیقی سیکھ رہا ہوں۔ میں اس کے بارے میں کتابیں بھی پڑھ رہا ہوں۔ میں نے آج کل جن کے ساتھ کام کر رہا ہوں، ان سے بھی میں بہت کچھ سیکھ رہا ہوں جیسے وشال بھاردواج، گلزار اور اے آر رحمان۔ میں پرانے شاعروں کو بھی پڑھ رہا ہوں جیسے غالب اور خلیل جبران۔‘یکایک انھیں کلاسیکی موسیقی میں کیونکر دلچسپی پیدا ہوئی؟سکھ وندر کہتے ہیں کہ شاہ رخ اور ان کے درمیان ایک روحانی رشتہ ہے۔اس سوال کے جواب میں انھوں نے کہا: ’اب مجھے انڈین اوپرا کرنا ہے اور اس کے لیے مجھے ہندوستانی کلاسیکی موسیقی کے بارے میں علم ہونا چاہیے۔‘یوں تو سکھ وندر نے کئی اداکاروں کے لیے گیت گائے لیکن شاہ رخ خان سے ان کا خاص تعلق ہے۔خواہ وہ ’چلے چھیاں چھیاں‘ ہو یا پھر فلم ’چک دے‘ کا ٹائٹل سنگ ہو یا پھر فلم ’اوم شانتی اوم‘ کا گیت ’درد ڈسکو‘ ہو۔شاہ رخ اور سکھ وندر سنگھ کے تعلقات بہت حد تک خوشگوار رہے اور ان کی جوڑی نے بعض مقبول نغمے بھی دیے۔سکھ وندر کہتے ہیں: ’شاہ رخ اور میرے درمیان ایک روحانی رشتہ ہے۔ ہم دونوں بہت لگن سے کام کرتے ہیں اور یہی ہماری کامیابی کا راز ہے۔‘سکھ وندر نے شاہ رخ کی فلم اوم شانتی اوم کے لیے درد ڈسکو گایا تھاسکھودر نے فلم ’روجا‘ میں اے آر رحمان کی موسیقی سننے کے بعد ان کے ساتھ کام کرنے کی چاہت کا اظہار کیا تھا۔فلم ’دل سے‘ میں شاہ رخ کے لیے انھوں نے گانا گایا۔ اس کے بعد پیش آنے والے ایک مزیدار واقعے کا ذکر کیا۔’چھیاں چھیاں پر ڈانس کرتے ہوئے شاہ رخ کو جب میں نے دیکھا تو میں نے اے آر رحمان سے پوچھا کہ یہ لڑکا کون ہے جو ٹرین پر ڈانس کر رہا ہے؟ تب انھوں نے مجھے بتایا کہ یہ شاہ رخ خان ہیں، فلم کے ہیرو۔ میں اس سے پہلے شاہ رخ کو جانتا تک نہیں تھا۔‘فی الحال سکھ وندر نئے سال کے جشن کے بارے میں بہت پرجوش ہیں اور ان کے پاس ڈھیر سارے شوز کرنے کی پیشکش ہیں۔