ڈاکٹر نے کرائے دا ر کی مدد سے چور کو پکڑا

لکھنؤ۔ (نامہ نگار)۔ گومتی نگر علاقہ میں ایک ڈاکٹر کے زیر تعمیر مکان سے گریل چوری کرکے بھاگ رہے ایک چور کو ڈاکٹر نے کرائے داروں کی مدد سے پکڑ لیا۔ پکڑے گئے چور کی لوگوں نے جم کر پٹائی کی اور پھر اس کوپولیس کے حوالے کر دیا۔
موقع سے چور کا ساتھی بھاگنے میں کامیاب رہا۔ گومتی نگر کے ونیت کھنڈ کے رہنے والے ڈاکٹر جی کے شکلا کے زیر تعمیر مکان میں گزشتہ شب دو چوروںنے دھاوا بول دیا۔ چور وہاں رکھی لوہے کی گریل کو اٹھانے لگے۔ آواز سن کر ڈاکٹر جی کے شکلا کی آنکھ کھل گئی۔ چور کو دیکھ کر انہوں نے شور مچا دیا۔ چوری کی اس واردات کو دیکھ کر ان کے مکان میں رہنے والے کرائے دار مدد کیلے آگئے ۔اس کے بعد ڈاکٹر نے اپنے کرائے داروں کی مدد سے ایک چور کو پکڑ لیا جبکہ اس کا ایک ساتھی فرارہو گیا۔ لوگوں نے پکڑے گئے چور کی جم کر پٹائی کی اور پھر اس کو پولیس کے حوالے کر دیا۔ پوچھ گچھ میں ملزم نے اپنا نام سیتا پورکا باشندہ رشید بتایا۔ وہ ہنی مین نالے کے پاس منا کباڑی کے یہاں رہتا ہے۔