چین میں سڑک حادثہ۔ 5 اسکولی بچوں کی موت

بیجنگ ، 14 دسمبر (یو این آئی) چین کے گوئی جھو صوبے میں ایک ٹرک کی ٹکر سے پانچ اسکولی بچوں کی موت ہوگئی ہے۔پولیس ذرائع کے مطابق ایک پرائمری اسکول کے بچے چھٹی ہونے کے بعد اپنے گھروں کو لوٹ رہے تھے کہ ایک تیز رفتار ٹرک نے ان بچوں کے ہجوم کو ٹکر ماردی۔ جس کے نتیجے میں تین بچے موقع پر ہی ہلاک ہوگئے جبکہ دو بچوں نے اسپتال میں دم توڑ دیا۔پولیس نے معاملہ کو درج کرکے حادثے کی جانچ شروع کردی ہے۔