کانپور(نامہ نگار)تھانہ کرنل گنج علاقہ میں واقع برجیندرسوروپ پارک میں ایک تیزرفتار کاربے قابوہوکر ایک معمر سائیکل سوار کو کچلتے ہوئے میونسپل بورڈ اسٹیڈیم میں گھس گئی اسٹیڈیم میں موجود لوگوں نے زخمی کو اسپتال میںداخل کرایا جب کہ کارچلانے والے نے بتایاکہ معمرشخص اس کے سامنے آگیاتھااوربریک کی جگہ ایکسیلیٹر پر پیرپرجانے کی وجہ سے حادثہ پیش آیا۔موصولہ خبر کے مطابق کرنل گنج تھانہ علاقہ کے برجیندر میں عیدگاہ کالونی کے باشندے گروپرشادموریہ کسی کام کے سلسلے میںسائیکل سے جارہے تھے۔ایک کارپارک کے اندر سے ہوکر آریہ نگر کی طرف جاری تھی اچانک کار بے قابوہوگئی اورسائیکل سوار کو ٹکر ماردی۔موقع پر موجود لوگوں نے کارڈرائیورکو پکڑ لیا اورپولیس کو اطلاع دینے کے بعد معمر شخص کو اسپتال میںداخل کرایا۔
