کار ٹرک میں گھسی معصوم سمیت دو افراد ہلاک : چار زخمی

جونپور، 15 جنوری (یو این آئی) اترپردیش میں اس ضلع کے گورا بادشاہ پور علاقے میں کل شام جونپور۔ اعظم گڑھ شاہراہ پرکھڑے ایک کار میں ٹرک گھس گیا جس سے کار میں سوار ایک بچہ سمیت دو افراد ہلاک اور چار دیگر زخمی ہوگئے۔
پولیس کے ایک ترجمان نے آج یہاں بتایا کہ ضلع کے لائن بازار علاقے میں جے جے کالونی میاں پور کے باشندہ کشن، ارچنا، اویناش اور نرملا اپنے ڈیڑھ ماہ کے بچے کے ساتھ کار میں سوار ہوکر جونپور آرہے تھے تبھی کیشو پور ریلوے کراسنگ کے نزدیک سڑک کے کنارے کھڑے ایک ٹرک میں ان کی کار گھس گئی۔
اس حادثہ میں کار سوار تمام افراد زخمی ہوگئے۔ جنہیں اسپتال پہنچایا گیا جہاں ڈرائیور نیرج کی موت ہوگئی۔ جب کہ پرائیویٹ اسپتال میں زیر علاج ارچنا کے ڈیڑھ ماہ کے بچے نے دم توڑ دیا۔