کار کی زد میں آکر رکشا پولر ہلاک

بھدوہی، 22 مئی (یو این آئی) اترپردیش میں ضلع بھدوہی کوتوالی علاقے میں سڑک کے کنارے رکشا پولر کو ایک تیز رفتار کار نے کچل دیا جس سے اس کی جان چلی گئی۔پولیس کے مطابق رجپورا ہریجن بستی کے رہنے والے رکشا پولر کڈو گوتم (20) کو رات گئے بھدوہی کی طرف آ رہی تیز رفتار اسکارپیو نے کچل دیا جس سے اس کی موت ہوگئی۔ رکشا چلانے والا رات میں
فٹ پاتھ پرہی سو جاتا تھا۔حادثہ کے بعد کار ڈرائیور فرار ہوگیا۔ پولیس اس کی تلاش کر رہی ہے ۔