کار کی ٹکر سے سبزی فروش کی موت

لکھنؤ۔ (نامہ نگار)۔ امین آباد علاقہ میں موٹر سائیکل سوار سبزی فروش کو تیز رفتار کار نے ٹکر مار دی۔ لوگوں نے اسے شدید زخمی حالت میں اسپتال میں داخل کرایا جہاں اس کی موت ہو گئی۔ حسین گنج کے پرانا قلعہ کے رہنے والے ۴۰ سالہ فرید گزشتہ ۲۴؍دسمبر کی صبح موٹر سائیکل سے جا رہا تھا۔ جھنڈے والا پارک کے پاس ایک تیز رفتار کار نے اسے ٹکر مار دی ۔ کار کی ٹکر لگنے کے سبب فرید گرگیا اور شدید طور پر زخمی ہو گیا۔ زخمی فرید کو مقامی لوگوںنے ٹراما سینٹر میں داخل کرایا جہاں دو شنبہ کواس کی موت ہو گئی۔