ممبئی(بھاشا)بالی ووڈ کی دبنگ گرل سوناکشی سنہا کاکہنا ہے کہ وہ کامرشیل سنیما میںکام کرنا زیادہ پسند کرتی ہیں۔ ۲۰۱۰ میںآئی فلم دبنگ سے اپنے فلمی کیریئر کی شروعات کرنے والی سونا
کشی سنہا کو ۱۰۰؍کروڑکے کلب کی کوئن سمجھا جاتاہے ۔ سوناکشی کی دبنگ ،دبنگ۲، رائوڈی راٹھوراورسن آف سردار جیسی فلموںنے کامیاب کاروبارکیا ہے سوناکشی سنہا نے کہا کہ میں کامرشیل فلموںمیں کام کرنا پسند کرتی ہویں۔ مجھے محسوس ہوتا ہے کہ ناظرین بھی مجھے اسی طرح کی فلموںمیں دیکھنا پسند کرتے ہیں۔ میراکام ناظرین کی تفریح کرنا ہے حالانکہ میں لٹیرا جیسے چیلنجنگ کردار بھی کرسکتی ہوں میں ویسی فلموںمیں کام کرنا پسند کرتی ہوں جسے سبھی لوگ اپنے خاندان کے ساتھ بیٹھ کر دیکھ سکیں۔ سوناکشی سنہا نے کہا کہ میری کامیابی کا سہارااسکرپٹ ، ہدایت کار ،والدین اورناظرین کو جاتاہے ، قسمت نے بھی میرا ساتھ دیاہے۔ حالانکہ یہ سفر آسان نہیں رہا۔ میں نے کامیابی حاصل کرنے کیلئے سخت محنت کی ہے سوناکشی سنہا کی آنے والی فلموںمیںتیور، ہالی ڈے اورایکشن جیکشن خاص ہیں۔
