کامن ویلتھ گیمز پاکستانی ویٹ لفٹر چاندی کا تمغہ جیتنے میں کامیاب

ساموا: پاکستان نے کامن ویلتھ یوتھ گیمزمیں ایک اور سلورمیڈل حاصل کرلیا، عبدالرحمن نے ویٹ لفٹنگ ایونٹ میں چاندی کا تمغہ جیتا، ساموا میں جاری کامن ویلتھ یوتھ گیمز کے ویٹ لفٹنگ ایونٹ کی ستتر کلو گرام کٹیگری میں پاکستان کے عبدالرحمن نے چاندی کا تمغہ سینے پرسجایا، کامن ویلتھ یوتھ گیمزمیں پاکستان کے تمغوں کے تعداد دوہوگئی، اس سے قبل طلحہ طالب نے چھپن کلو گرام کٹیگری میں دوسری پوزیشن حاصل کرتے ہوئے سلور میڈل جیتا تھا، کامن ویلتھ یوتھ گیمز میں پاکستان کے تیرہ ایتھلیٹس نے چار ایونٹس میں حصہ لیا، اسکواش کے مینز اور ویمنز سنگلز ایونٹ میں پاکستانی ایتھلیٹس سیمی فائنل میں ہار گئے جبکہ باکسرز اور ٹینس پلئیرز پہلے رائونڈ سے آگے نہ جاسکے۔