کامیڈی فلم سے کم بیک کریں گی شلپا شیٹی

نئی دہلی: بالی وڈ اداکارہ شلپا شیٹی کامیڈی فلم سے کم بیک کرنا چاہتی ہیں۔ شلپا ایک بار پھر بڑے پردے پر واپسی کی کوشش میں مصروف ہیں۔ جبریں تھیں کہ شلپا کچھ اسکرپٹ پڑھ رہی ہیں۔ لیکن اب خبر یہ ہے کہ شلپا کامیڈی فلم کرنا چاہتی ہیں۔ انہوں نے یہ خواہش خود ظاہر کی ہے ۔ شلپا نے کہا‘‘ ایسا نہیں ہے کہ مجھے دلچسپ اسکرپٹ نہیں مل رہی ہے ، میں طویل عرصے سے اس انڈسٹری کا حصہ رہی ہوں۔ خواتین پر مبنی کئی فلموں میں بھی میں نے کام کیا ہے ۔ لو اسٹوری کے ساتھ ایکشن فلمیں بھی ہیں لیکن آج آپ پوچھیں گے کہ میں کس طرح کی فلمیں کرنا چاہتی ہوں تو میں کہنا چاہوں گی کہ کامیڈی فلمیں کرنا چاہتی ہوں۔ اس وقت کامیڈی کرنے میں مجھے زیادہ مزہ آئے گا۔ شلپا نے اس بات کو تسلیم کیا کہ وہ ایکٹنگ کو بہت مس کرتی ھیں۔ انھونے کہا، ‘مجھے ایکٹنگ کرنا بہت پسند ہے ۔ میں اسے مس کرتی ہوں اور میں اس بات سے انکار نہیں کر سکتی۔ میں نے ایک میوزک ویڈیو کی ہے ۔ بھوشن کمار کے لئے کی گئی یہ ویڈیو جلد ہی ریلیز ہوگی۔ اب میری کوشش ہے کہ کچھ اور چیزیں بھی میں کر سکوں’’۔