کامیڈی کا دوسرا نام ارشد وارثی

ویسے اب ہندی فلموں میں الگ سے کامیڈی کے رول کے لئے کسی اسٹار کو لینے کی بات کم ہی سامنے آتی ہے اور فلم کا ہیرو یا کواسٹار ہی اس کام کو انجام دینے لگا ہے ۔ ایسے میں اس رول کے لئے جو نام ابھر کر سامنے آیا ہے وہ ہے ارشد وارثی کا نام ۔ اتنا ہی نہیں فلم میں ارشد وارثی کے حصے میں جو بھی رول ہو ان کی فلموں کے نام بھی ایسے رکھے جانے لگے ہیں کہ اسے سنتے ہی ہنسی آتی ہے ۔ حال ہی میں ان کی فلم آئی مسٹر جوئے بی کروال ہو ۔ یہ فلم باکس آفس پر بھلے ہی کامیاب نہ رہی ہو لیکن فلم کے کچھ سین ایسے ضرور تھے جو ناظرین کو بہت پسند آئے ۔ لیجنڈ آف مائیکل مشرا ‘ فلم بن رہی ہے منیش جھا کے ڈائریکشن میں جس میں ارشد وارثی ہے ۔ اس فلم کے ساتھ ان کے حصے دوسری فلم ’ گڈو رنگیلا‘ بھی ہے ۔ اس فلم میں ارشد وارثی لیڈ رول میں ہیں ۔ فلم کو ڈائرکٹ کیا ہے سبھاش نے ۔ اس سے پہلے بھی سبھاش کے ساتھ ارشد وارثی ’جالی ایل ایل بی‘ فلم کر چکے ہیں ۔