کانپور ، 26 فروری (یو این ائی) اترپردیش میں کانپور اسٹیشن پر آج صبح نامعلوم شخص نے ایک کانوڑیے کو گولی مار کر زخمی کردیا جس کے بعد اس کیمشتعل ساتھیوں نے اسٹیشن پر ہنگامہ مچا دیا اور توڑ پھوڑ کی۔ریلوے پولیس کے مطابق صبح قریب تین بجے اودھ ایکسپریس سے اوریہ سے بارہ بنکی لودھیشور مندر جارہے کانوڑیا چندر پرکاش (22) جب کانپور اسٹیشن کے پلیٹ فارم پر پانی پینے گیا تو کسی نامعلوم شخص نے اس کو گولی مار دی جس سے وہ سنگین طور سے زخمی ہوگیا۔اس کے بعد اس کے ساتھیوں نے کانپور جنکشن پر خوب ہنگامہ مچایا اور توڑ پھوڑ کی۔ اجیت مل علاقہ کے چھابر کا پوکھا میں ر ہنے والے کانوڑیا کو ہسپتال میں داخل کرایا گیا ہے۔جی آر پی اور ضلع پولیس نے اسٹیشن پر پہنچ کر حالات پر قابو پالیا ہے۔نامعلوم شخص کے خلاف معاملہ درج کرلیا گیا ہے اس واقعہ کے بعد تمام اسٹیشنوں پر سیکورٹی بڑھا دی گئی ہے نیز پولیس کو چوکس کدیا گیا ہے ۔ پولیس نے چھان بین شروع کردی ہے۔
