کانگریس کے اہم لیڈر انتخابی جلسوں میں شامل ہوں گے

لکھنو۔(نامہ نگار)مرکزی وزیرداخلہ سلمان خورشید اپنے ایک روزہ انتخابی پروگرام کے تحت ۸مئی کو وارانسی سے مرزاپور پارلیمانی حلقہ کے تحت جے پور ہ ،چھانوے بلاک، پہنچیں گے۔ یہاں پر وہ مرزاپور سے کانگریس امیدوار کی حمایت میں انتخابی جلسوں کو خطاب کرنے کے بعد دوپہر بارہ بجے جے پورہ سے بذریعے ہیلی کوپٹر روانہ ہوکر تلیہٹی بلاک کون ، مرزاپورپہنچنے کے بعد کانگریس امیدوار کی حمایت میں انتخابی جلسوں کو خطاب کریں گے۔ مذکورہ اطلاع دیتے ہوئے اترپردیش کانگریس کمیٹی کے ترجمان وجے سکسینہ نے بتایا کہ آل انڈیا کانگریس کمیٹی کی رکن محسنہ قدوائی ۸مئی کو وارانسی سے بذریعے ہیلی کوپٹر روانہ ہوکر بڑے دروازہ کا میدان گاو¿ں مہین غازی پور پہنچیں گی اوروہاں بلیا پارلیمانی حلقے کے کانگریس امیدوار کے ذریعے منعقدہ انتخابی جلسے کو خطاب کریں گے۔ مسٹر سکسینہ نے مزید بتایا کہ ۸مئی کو مرکزی وزیرراجیو شکلا اور فلمی اداکارہ امیشا پٹیل گیارہ بجے وارانسی سے ہیلی کوپٹر کے ذریعے روانہ ہو کر بارہ بجے پولیس لائن غازی پور میں کانگریس امیدوار کی حمایت میں انتخابی جلسوں کو خطاب کریں گے۔ اس کے علاوہ کل تین بجے راج کالج کے میدان میں پارلیمانی حلقہ کے کانگریس امیدوار کے ذریعہ عوامی رابطہ مہم میں شامل ہوںگے۔