کا نپور کوصاف اورخوبصورت بنانے کیلئے ریلی

کانپور (نامہ نگار)ملت سوسائٹی فارایجوکیشن کے ذریعہ سٹی پبلک اسکول ہمایوں باغ سے شفاف اورخوبصورت کانپور موضوع پر ریلی نکالی گئی۔ ریلی کی قیادت کونسلر شبوانصاری کررہے تھے۔انھوں نے اس موقع پر کہا کہ اگرہم خود کوشش کریں تو کانپور کو صاف اورخوبصورت بناسکتے ہیں۔ ملت سوسائٹی کے صدر ڈاکٹرشہنوازخان نے کہا کہ لوگ اپنے گھروں کا کوڑااپنے کوڑے دان میںہی ڈالیں ایسا کرنے سے کانپور صاف اورشفاف ہوجائے گا۔ بچے کوڑاادھر نہ ڈالیں اوراپنے قرب وجوار میںدرخت لگائیں۔اس موقع پر ایک مقابلے کا بھی انعقاد کیا گیا۔مقابلہ تین مرحلوںمیں ہوا۔جس میں ۲۵۰؍بچوں نے حصہ لیا۔پروگرام کی نظامت سی پبلک اسکول کی پرنسپل ڈاکٹر شمع خان نے انجام دی۔مہمانوںکا استقبال کڈس ولاپری اسکول کی پرنسپل صباتبسم نے کیا۔ اس موقع پر نوشابہ خان ،حنا آصف، ثنااسلام،نشاجمیل،اسماء پروین،مبینہ مشتاق اورصائمہ تبسم موجودتھیں۔