کرشنا نگر میں موبائل چور گرفتار،چوری کے تین موبائل فون برآمد

لکھنؤ۔(نامہ نگار)۔ کرشنا نگر پولیس نے بھیڑ والی جگہوں پر لوگوں کا موبائل فون و گاڑیوں سے سامان چوری کرنے والے ایک چور کو گرفتار کیا ہے۔ وہیں کرشنا نگر پولیس نے چوری کئے گئے ایک گیس سلنڈر کے ساتھ ہی ایک چور کو پکڑا ہے۔ انسپکٹر کرش
نا نگر وکاس پانڈے نے بتایا کہ آج دوپہر پولیس نے بارہ بروا چوراہے کے نزدیک ایک مشتبہ نوجوان کو پکڑا۔ تلاشی کے دوران اس کے پاس سے چوری کئے گئے تین موبائل فون ملے۔ پوچھ گچھ میں ملزم نے اپنا نام بہار کا رہنے والا پون کمار بتایا۔ وہ موجودہ وقت میں ٹھاکر گنج علاقہ میں رہتا ہے۔ ملزم نے بتایا کہ وہ اپنے دوستوں کے ہمراہ بھیڑ بھاڑ والی جگہوں پر لوگوں کا موبائل فون چوری کرتا تھا۔ وہیں پارکنگ میں کھڑی گاڑیوں کاشیشہ توڑ کر سامان بھی چرا لیا کرتا تھا۔ چوری کا موبائل فون و دیگر سامان وہ بہار لے جاکر سستی قیمت میں فروخت کر دیتا تھا۔اس کے علاوہ کرشنا نگر پولیس نے گزشتہ شب پورن نگر سے ایک شاطر چور کرشنا نگر کے رہنے والے دیپو سنگھ کو گرفتار کیا۔