کرن شرما نے ڈی ویلئرس کا کیچ چھوٹنے پر مایوسی کا اظہارکیا

 بنگلور۔رائل چیلنجرس بنگلور کے خلاف کل کرن شرما سنراجرس حیدرآباد کے لئے اسٹار رہے لیکن اس لیگ اسپنر کو اس بات کی بہت مایوسی ہے کہ انہوں نے اے بی ڈی ویلئرس کا ‘ مشکل کیچ چھوڑ دیا ، جس سے میچ ان کی ٹیم کے حق میں آ جاتا۔بنگلور نے گزشتہ رات چار وکٹ کی سنسنی خیزجیت درج کی جس میں ڈی ویلئرس نے 42 گیند
میں 89 رن کی اننگز کھیلی ۔ تاہم کرن نے عرفان پٹھان کے اوور میں ڈی ویلئرس کو زندگی دی تھی جب وہ 30 رن پر تھے ۔کرن نے چار اوور میں 17 رن دے کر تین وکٹ حاصل کئے ۔ انہوں نے کہا اگر میں نے یہ کیچ لپک لیا ہوتا تو شاید میچ ہمارے حق میں آ جاتا ۔لیکن یہ کھیل کا حصہ ہے ۔ کبھی کبھار آپ کو آپ ایسے کیچ پکڑ لیتے ہو تو کبھی اے آپ کے ہاتھ میں نہیں ٹکتے ۔ وہیں دوسری جانب سنراجرس حیدرآباد کے خلاف اے بی ڈی ویلئرس کی جارحانہ بلے بازی دیکھنے کے بعد رائل چیلنجرس بنگلور کے نوجوان تیز گیند باز ہرشل پٹیل نے کہا کہ ان کے جنوبی افریقی ساتھی کو گیند بازی کرنا مشکل ہے ۔ پٹیل بیتی رات ٹیم کی چار وکٹ کی سنسنی خیز جیت والے میچ میں آخری اوور میں ڈی ویلئرس کے ساتھ بلے بازی کے لئے دوسرے کنارے پر تھے ۔ انہوں نے کہا میں کیا کہوں ، وہ بلے بازی کے معاملے میں سنکی ہے ۔ وہ کرکٹ کے میدان پر جو کچھ کر سکتا ہے ، مجھے نہیں لگتا کہ کوئی بھی ایسا کر سکتا ہے ۔ میرے پاس ان کی جارحیت کو بیان کرنے کے لئے الفاظ نہیں ہیں ۔ پٹیل نے آئی پی ایل کی سرکاری ویب سائٹ سے کہا مجھے لگتا ہے کہ اسے گیند بازی کرنا سب سے مشکل ہے ۔اچھے بلے باز کو اگر آپ اچھی اور بہترین گیند پھینکیں گے تو آپ غالب ہو جاؤ گے ۔ لیکن اگر آپ ڈی ویلئرس کوخراب گیند پھینکوگے تو بھی آپ کی گیند پر چھکا پڑ جائے گا ۔ پتہ نہیں چلے گا کہ آپ کس علاقے میں انہیں بولنگ پھینکناہے آپ صرف گیند بازی کر سکتے ہو اور بہترین کارکردگی کی توقع کر سکتے ہو ۔