کسان سے بینک کا قرض وصولنے کے لئے ٹریکٹر ضبط کرنے پر ہوا ہنگامہ

مہوبہ:اترپردیش میں خشک سالی سے متاثر بندیل کھنڈ کے مہوبہ میں قرض وصولی کے لئے ٹریکٹر قبضہ کرنے پر کسانوں نے بینک حکام پرتشدد کا الزام لگاتے ہوئے ہنگامہ کھڑا کردیا۔
ضلع مجسٹریٹ ویریشور سنگھ کوبھیجی اپنی شکایت میں سرینگر علاقے کے برانالا کا باشندہ کسان راکھی لال نے آج یہاں بتایا کہ چار برس قبل اس نے اسٹیٹ بینک آف انڈیا (ایس بی آئی) کی کلپھاڑ شاخ میں اپنی زرعی زمین رہن رکھ تین لاکھ 17 ہزار روپے قرض لے کر نیا ٹریکٹر خریدا تھا۔ بینک کی مقرر قسط کو وہ مقررہ وقت پر اب تک تقریبا تین لاکھ 50 ہزار روپے کی ادائیگی کر چکا ہے ، آٹھ دسمبر کو اس نے 25 ہزار روپے کی ایک اور قسط جمع کی ہے ۔
کسان راکھی لال کا الزام ہے کہ بینک کے ایک نام نہاد ایجنٹ رشی کمار کی پانچ ہزار روپے کی غیر مناسب مانگ کو پورا نہیں کئے جانے پر بینک ملازمین 27 دسمبر کو ان کی غیر موجودگی میں گھر سے ٹریکٹر کھینچ کرلے گئے ۔بینک افسران بقایا قرض کی ایک مشت ادائیگی نہ کئے جانے پر ٹریکٹر نیلام کرنے کی دھمکی دے رہے ہیں۔ ٹریکٹر نہیں ہونے سے کھیت کا بڑا حصہ بوائی نہ ہو پانے کی وجہ خالی پڑا ہے ۔
ضلع مجسٹریٹ نے کسان کی شکایت کو سنجیدگی سے لیتے ہوئے ضلع کے لیڈ بینک مینیجر کو طلب کرتے ہوئے رپورٹ مانگی ہے ۔
بندیل کھنڈ کسان یونین کے ضلع صدر رام سوروپ یادو نے قرض کی مقررہ وقت پر ادائیگی کے باوجود کارروائی کرنے کو تشدد قرار دیا ہے ۔ انہوں نے کہا کہ 24 گھنٹے کے اندر اندر راکھي لال کا ٹریکٹر واپس نہیں کیا گیا تو کسان بینک مینجمنٹ اور انتظامیہ کے خلاف مہم چلانے پر مجبور ہوگا۔