کنگناراناوت کے ساتھ فلم کریں گے عمران خان

ممبئی (وارتا)بالی ووڈکے چاکلیٹی ہیرو عمران خان اپنی آنے والی فلم میں کنگناراناوت کے ساتھ رومانس کرتے ہوئے نظر آسکتے ہیں بالی ووڈ کے مشہور ہدایت کار نکھل اڈوانی ایک فلم بنانے جارہے ہیں جس میں عمران خان کا مرکزی کردارہوگا اس فلم میں عمران خان کے اپوزٹ کنگناراناوت کا انتخاب کیا گیاہے۔فلم کا نام کٹی بٹی رکھا گیا ہے۔یوٹی وی موشن پکچرس کی جانب سے بنائی جارہی یہ فلم محبت پر مبنی ہے۔بتایاجاتا ہے کہ اس فلم میں کنگنا کے کردارکا نام پایل ہے کنگنا کا کہناہے کہ یہ کہانی نئی نسل کے ناظرین کو پسند آئے گی عمران فلم کی شوٹنگ شروع ہونے کیلئے پرجوش ہیں۔نکھل اڈوانی کا کہنا ہے کہ فلم کی کہانی کے حساب سے عمران اورکنگنا کاانتخاب کیا گیاہے۔نکھل نے کہا کہ میں فلم کی کاسٹنگ کو لیکر خوش ہوں میراخواب تھا کہ میں کنگنا کے ساتھ کام کروں فلم آئندہ سال ریلیز ہوسکتی ہے۔