کوشامبی میں ٹرک پلٹنے سے تین ہلاک 18 زخمی

کوشامبی: اترپردیش میں کوشامبی کے مہیوا گھاٹ علاقہ میں کل رات ایک ٹرک بے قابو ہوکر پلٹ گیا جس سے اس میں سوار ایک لڑکی اور ایک خاتون سمیت تین افراد ہلاک اور 18 زخمی ہوگئے ۔پولیس ذرائع نے آج یہاں بتایا ہے کہ منہیش پور گاؤں کے پاس اینٹ بھٹے پر کام کرنے والے لوگ کام بند ہوجانے کی وجہ سے اپنے کنبہ کے ساتھ ٹرک پر سامان لاد کر اپنے آبائی وطن مئو و۔ چترکوٹ جارہے تھے ۔ منجھن پور ۔ مہیوا گھاٹ شاہراہ پر اجرولی گاؤں کے نزدیک اچانک ٹرک پلٹ گیا۔ حادثہ میں رنجودیوی (12) مایا دیوی (50) اور کالی چرن کی موت ہوگئی۔انہوں نے بتایا کہ حادثے میں زخمی 18 افراد کو اسپتال میں داخل کرایا گیاہے ۔ زخمیوں میں خواتین اور بچے بھی شامل ہیں ۔ شدید طور سے زخمی چار کو الہ آباد بھیجا گیا ہے ۔