کوہلی ون ڈے رینکنگ میں ٹاپ پربرقرار

دبئی ۔ہندوستان کو بھلے ہی جون تک دوسرا ون ڈے نہیں کھیلنا ہے لیکن وراٹ کوہلی نے آئی سی سی کی بلے بازوں کی فہرست میں اپنی ٹاپ پرجگہ برقرار رکھی ہے جبکہ ہم وطن رویندر جڈیجہ گیند بازوں اور ال رائونڈروں دونوں کی فہرست میں سب سے اوپر پانچ میں شامل ہیں۔ہندوستان ٹیموں کی فہرست میں 112 پوائنٹس لے کر دوسرے نمبر پر ہیں۔آسٹریلیا نے 115 پوائنٹس کے ساتھ اپنی سب سے اوپر جگہ برقرار رکھی ہے۔بلے بازوں کی فہرست میں کوہلی 881 پوائنٹس کے ساتھ ٹاپ پر ہیں۔ ان کے بعد اے بی ڈی ویلئرس کا نمبر آتا ہے جن کے 872 پوائنٹس ہیں۔ ہندوستانی کپتان مہندر سنگھ دھونی 783 پوائنٹس کے ساتھ چھٹے اور شکھر دھون 723 پوائنٹس کے ساتھ آٹھویں نمبر پر ہیں۔گیند بازوں کی فہرست میں جڈیجہ 676 پوائنٹس کے ساتھ پانچویں مقام پر برقرار ہیں جبکہ روچدرن اشون 14 ویں مقام پر ہیں۔ ال رائونڈروں کی فہرست میں جڈیجہ چوتھے مقام پر ہیں۔