کڑاکے کی سردی دہلی سے دور

نئی دہلی:دہلی میں گو سردی کا موسم ہے مگر کڑاکے کی ٹھنڈ نہیں پڑرہی ہے کم از کم آج درجہ حرارت 6ء11 ڈگری سیلسیس رہا جو معمول سے 5 ڈگری زیادہ ہے ۔محکمہ موسمیات کا کہنا ہے کہ کڑاکے کی ٹھند جنوری کے وسط سے پڑنی شروع ہوگی۔ محکمہ کے مطابق آج رطوبت کی زیادہ سے زیادہ سطح 95 فیصد اور کم ازکم 51 فیصد رہی۔ محکمہ نے پیش گوئیکی ہے کہ کل آسمان جزوی طور سے ابرآلود رہے گا صبح کے وقت کئی جگہ کہرہ رہے گا مگر بارش کا امکان نہیں ہے ۔کل درجہ حرارت 26 ڈگری اور 11 ڈگری کے درمیان رہے گا۔ آج صبح 9 بجے حدنظر 400 میٹر تھی۔