فیروزآباد۔ (بھاشا)۔ اترپردیش میں فیروزآباد ضلع کے جسرانا علاقہ میں شرکت کرنے جا رہے لوگوں سے بھری ایک تیز رفتار کار کے کھڑے ہوئے ٹرک سے ٹکرا جانے سے اس میں سوار پانچ افراد کی موت ہو گئی۔ پولیس ذرائع نے آج یہاں بتایا کہ شکوہ آباد حلقہ کے شوبھن پورنگلا کولہو گاؤں کے پردھان دیوی(۴۲) کل دیر رات اپنے بھتیجے
انشو(۲۰) ، پشپیندر یادو(۲۸) ، رام گوپال (۳۰) اور راج کمار (۳۵) کے ساتھ اپنے دوست کے بیٹے کی شادی کی تقریب میں شرکت کرنے کیلئے کار سے جا رہے تھے۔ انہوں نے بتایا کہ تیز رفتار کار راستے میں جسرانا علاقہ کے نوادا راستے پر بے قابو ہوکر ایک ٹرک سے جا ٹکرائی۔ اس زبردست حادثہ میں انشو اور دیوی سنگھ کی موقع پر ہی موت ہو گئی۔ ذرائع کے مطابق شدید طور سے زخمی پشپیندر ، رام گوپال اور راج کمار کو تباہ کار سے کافی مشکل سے باہر نکالا گیا لیکن تینوں نے اسپتال لے جاتے وقت راستے میں ہی دم توڑ دیا۔ پولیس نے لاشوں کو پوسٹ مارٹم کیلئے بھیج دیا ہے۔
