کہرے کی وجہ سے ٹینکر ، بولیرو سے ٹکرایا۔ تین ہلاک

بہرائچ، 8 جنوری (یو این آئی) اترپردیش میں بہرائچ ضلع کے موتی پور علاقہ میں آج صبح بہرائچ۔لکھیم پور قومی شاہراہ پر نینہا کے نزدیک ٹینکر اور بلیرو میں آمنے سامنے کی ٹکرمیں تین افراد موقع پر ہی ہلاک اور ایک شدید طو رپر زخمی ہوگیا۔پولیس کے مطابق دودھ کے ٹینکر اور بولیرو کے درمیان زبردست ٹکر کی وجہ سے بولیرو میں سوار نرینا پور رپئی ڈیہا کے رہنے والے اروند کمار سنگھ (50)، برجیش کمار سنگھ (35) اور لیاقت (35) کی موقع پر ہی موت ہوگئی جبکہ وریندر کمار سنگھ سنگین طور پر زخمی ہوگیا۔ زخمی شخص کو اسپتال میں داخل کرا دیا گیا ہے اور لاشیں پوسٹ مارٹم کے لئے بھیج دی گئی ہیں۔