کیا سلمان کی فلم ”بجرنگی بھائی جان“ عید کو ریلیز ہو پائے گی؟

ممبئی۔بالی ووڈ سوپر اسٹار سلمان خان کے مداحوں کو یہ خبر پڑھ کر مایوسی ہوگی کہ ”بجرنگی بھائی جان“ اپنے شیڈول کے مطابق عید کے موقع پر ریلیز نہیں ہوگی بالی ووڈ کے اےک باوثوق ذرائع کے مطابق کشمیر کے شوٹنگ شیڈول میں تاخیر کے سبب اس کی تکمیل میں بھی وقت درکار ہے۔ یہی نہیں اس سے فلم کا پوسٹ پروڈ
کشن بھی بڑی حد تک متاثر ہونے کی توقع ہے۔ ایسے میں کبیر خان کی ہدایت میں بننے والی اس فلم کو ۱۵اگست کے موقع پر ریلیز کرنے کا بھی منصوبہ بنایا جارہا ہے۔ اگر یہ فلم آزادی کے موقع پر ریلیز کی جاتی ہے تو اس کا راست ٹکرائو اکشے کمار، سدھارتھ ملہوترا جےکولین فرنانڈیز اسٹار فلم ”برادرس“ سے ہوسکتا ہے۔ لیکن سلمان خان اپنے مداحوں کے لئے بجرنگی بھائی جان کو عید کے موقع پر ہی ریلیز کرنا چاہتے ہیں۔