سڈنی۔ہندوستان اور آسٹریلیا کے درمیان چوتھے اور آخری ٹسٹ کے تیسرے دن اسپائیڈرکیم سرخیاں بنا جب میزبان ٹیم کے کپتان اسٹیو اسمتھ نے اشارہ دیا کہ سڈنی کرکٹ میدان پر ہندوستان کے لوکیش راہل کا کیچ ٹپکانے کا سبب یہ کیمرا ہے۔ میزبان ٹیم کے کھلاڑیوں نے جب فیلڈنگ میں کچھ غلطیاں کی تب اسمتھ نے بھی لنچ سے پہلے راہل کا کیچ ٹپکایا جس اپنا دوسرا ٹسٹ کھیل رہا یہ بلے باز پہلی سنچری جڑنے میں کامیاب رہا۔راہل 110 رنز کا کیچ ٹپکانے کے بعد اسمتھ آسمان کی طرف اشارہ کرتے دیکھے گئے۔ راہل اس وقت 46 رن بنا کر کھیل رہے تھے۔ بعد میں کرکٹ آسٹریلیا اور نائن نیٹ ورک نے مشترکہ بیان میں تصدیق کی کہ کیچ لپکنے کی کوشش کے دوران کیمرے کا تار نظر کے سامنے آنے سے اسمتھ کی توجہ ہٹ گئی تھی۔ مشترکہ بیان میں کہا گیاہم نے سی اے اور نائن لنچ سے پہلے اسپائیڈرکیم سے جڑی واقعہ اور کیچ چھوٹنے سے جڑے معاملے پر بات کی اور یہ صاف تھا کہ گیند کیمرے یا اس کی تاروں سے نہیں ٹکرائی۔بیان کے مطابق ایک تار نظروں کے سامنے آنے سے کپتان اسٹیون اسمتھ کی توجہ ہٹ گئی تھی۔ سی اے اور نائن نشریات کوریج کے دوران اسپائیڈرکیم کے استعمال پر ایک ساتھ کام جاری رکھیں گے اور ضرورت پڑنے پر کسی بھی کھلاڑی کا ردعمل بھی لیں گے۔بیان میں کہا گیافی الحال کی حالت کے مطابق اگر کسی کھلاڑی کواسپائیڈرکیم کو لے کر کوئی تشویش ہے تو وہ امپائروں کو اسے دور کرنے کیلئے کہہ سکتا ہے۔ ایس سی جی پر کئی تاروں کی مدد سے کافی اونچائی پر لگایا گیا ہے۔
اس طرح کے کیمرے کا استعمال کئی سیشن سے آسٹریلیا کے کئی میدانوں میں کیا جا رہا ہے۔ شین واٹسن کی گیند کو پل کرنے کی کوشش میں راہل ہوا میں لہرا گئے تھے لیکن پہلی سلپ میں کھڑے اسمتھ پیچھے کی طرف دوڑتے ہوئے کیچ نہیں لپک پائے اور کیچ چھوٹنے کے فورا بعد انہوں نے تار کی طرف اشارہ کیا۔ ٹیلی ویژن ری پلے میں ایسا لگا کہ وہ اپنے ساتھیوں کو تار لفظ کہہ رہے ہیں۔
بعد میں انہوں نے امپائر رچرڈ سے بات بھی کی اور اس دوران انہیں افسوس کرتے ہوئے سر ہلا ہوئے بھی دیکھا گیا۔
