گاڑی چور گرفتار، چوری کی دو موٹرسائیکلیں برآمد

لکھنؤ(نامہ نگار)قیصر باغ علاقہ میں رہنے والا ایک نوجوان مسجد میں نماز پڑھنے گیا اور پھر وہاں سے نکل کر باہر کھڑی پلسر موٹرسائیکل چوری کر لے گیا۔ امین آباد پولیس نے ملزم نوجوان کو گرفتار کرتے ہوئے چوری کی گئی پلسر موٹر سائیکل سمیت دوموٹرسائیکلیں برآمد کی ہیں۔
سی او قیصر باغ راجیش شریواستو نے بتایا کہ امین آباد پولیس نے گذشتہ شب جانچ کے دوران مولوی گنج کے نزدیک سے پلسر موٹر سائیکل سوار ایک نوجوان کو پکڑا۔ پولیس نے جب اس سے موٹر سائیکل کے کاغذات مانگے تو وہ موٹر سائیکل کے کاغذات نہیں دکھا سکا۔سختی سے پوچھ گچھ کرنے پر ملزم نے بتایا کہ مذکورہ موٹرسائیکل ۱۵دن قبل اس نے قیصر باغ واقع ایک مسجد کے باہر سے چوری کی تھی۔ملزم نے اپنا نام قیصر باغ کا رہنے والا اکرم بتایا۔
پولیس نے اس کی نشاندہی پر چوری کی ایک باکسر موٹرسائیکل بھی برآمد کی ہے۔برآمد کی گئی باکسرموٹرسائیکل کے بارے میں پولیس پتہ لگا رہی ہے۔