گاڑی کے نہر میں گرنے سے چار افراد ہلاک

اورییا:اتر پردیش میں اورییا کے بیلا علاقے میں کل دیر رات کہرے کی وجہ سے ایک کار کے نہر میں گرنے سے اس میں سوار چار افراد ہلاک ہوگئے اور ایک بچی پانی میں بہ گئی۔ پولس سپرنٹینڈینٹ منوج تیواری نے آج یہاں بتایا کہ قنوج کے رہنے والے مہیش سنگھ اپنی بیٹی ارچنا کاتلک کرانے اچھلدا کے مہیوا روڈ پر واقع سرائے میراآئے تھے ۔تلک کرانے کے بعد کار میں سوار سات افراد قنوج لوٹ رہے تھے رات کو تقریباً پونے 12بجے بیلا علاقے میں شدید کہرے کی وجہ سے کار جھیری پلیا کے نزدیک نہر میں جا گری ۔اس حادثے میں چار افراد کی موت ہو گئی جبکہ چار سال کی ایک بچی جاہنوی پانی میں بہ گئی۔حادثے میں سات سالہ بچی ادیتی اور سبودھ بچ گئے ۔دونوں کو معمولی چوٹ آئی ہیں ۔لاپتہ بچی کی تلاش کی جارہی ہے ۔پولس نے کار کو نہر سے نکار لیا ہے ۔لاشوں کو پوسٹ مارٹم کے لئے بھیج دیا گیا ہے ۔