گبرازبیک کی کامیابی سے اکشے کمار مسرور

ممبئی: بالی ووڈ میں خطروں کے کھلاڑی کے نام سے مشہوراداکار اکشے کمار کا کہنا ہے کہ انہیں فلم گبراز بیک پر ملنے والی محبت پہلے کبھی نہیں ملی۔بھارتی میڈیا کے مطابق اداکاراکشے کمارجو آج کل اپنی ریلیزہونے والی فلم گبرازبیک کی پروموشن میں مصروف ہیں، انہوں نے سماجی رابطے کی ویب سائٹ ٹوئٹر پر کہا کہ مداحوں کی جانب سے فلم گبراز بیک پرملنے والی ایسی محبت کبھی نہیں ملی۔ اداکار کا کہنا تھا کہ ان کی خوشی دیدنی تھی کہ جب انہوں نے اپنی فلم کا پوسٹر ایک کرین پرلے جاتے دیکھا جو کہ پھولوں سے سجا ہوا تھا۔اکشے کمارکی فلم ”گبرازبیک“ ریلیز کے پہلے ہی دن۱۳ کروڑ کا بزنس کرکے رواں سال اوپننگ ڈے پرسب سے زیادہ بزنس کرنے والی
فلم بن گئی ہے۔بالی ووڈ میں نیاریکارڈ:ممبئی: بالی ووڈ اداکار اکشے کمار کی نئی فلم گبراز بیک نے اپنی ریلیز کے پہلے ہی ۲روز کے دوران ۲۴کروڑ روپے کی کمائی کرکے نیا ریکارڈ قائم کردیا۔ہندوستانی میڈیا کے مطابق فلم نے ریلیز کے پہلے روز جمعہ کو ۱۳کروڑ۵لاکھ اور دوسرے روز ہفتہ کو ۱۱ کروڑ ۳۵ لاکھ کا بزنس کیا رپورٹ کے مطابق ”گبر از بیک“نے پہلے روز ۱۳کروڑ روپے کمانے والی پہلی بھارتی کا اعزاز حاصل کرلیا ہے۔ سنجے لیلا بھنسالی کی پروڈکشن اور کرش کی ہدایات میں بننے والی اس فلم میں اکشے کمار کے ساتھ شروتی ہاسن ہیروئن کے کردار میں ہیں اور اسے ناقدین کی جانب سے بھی مجموعی طور پر مثبت ردعمل دیا گیا ہے۔