گجرات میں بی ایس ایف نے سرحد کے نزدیک پاکستانی شہری کو پکڑا

احمد آباد: گجرات کے پاٹن ضلع میں سرحدی سلامتی فورس (بی ایس ایف ) نے ہند۔ پاک بین اقوامی سرحد کے نزدیک ہندوستانی علاقہ میں گھس آئے ایک پاکستانی شہری کو گرفتار کیا ہے ۔پولیس نے آج بتایا ہے کہ سوئیگام علاقہ میں سرحد پر لگی باڑ کے ستون نمبر 983 کے نزدیک بی ایس ایف کی 142 ویں بٹالین کی ای کمپنی کے گشتی دستہ نے کل رات کھوڑا بھائی کولی (60) نامی پاکستانی شہری کو پکڑلیا۔ اسے پوچھ تاچھ کے لئے سانتل پور تھانہ کو سونپ دیا گیا ہے ۔ابتدائی پوچھ گچھ میں اس نے بتایا ہے کہ وہ اپنے بھٹکے ہوئے مویشیوں کی تلاش میں لاعلمی میں ہندوستانی علاقہ میں چلا آیا تھا۔ پولیس معاملہ کی گہرائی سے جانچ کررہی ہے ۔