گرم چائے پینا صحت کے لئے انتہائی نقصان دہ

لندن: حال ہی میں ہونے والی ایک تحقیق کے مطابق گرم چائے پینا صحت کے لئے انتہائی نقصان دہ ہے.لندن کالج یونیورسٹی اور برٹس سائنس کی جانب سے کی جانے والی مشترکہ تحقیق کے حوالے سے ایسٹ کینٹ یونیورسٹی اسپتال کے کنسلٹنٹ ہنری شارپ کا کہنا ہے کہ چائے کے کپ سے نکلنے والا دھواں انسانی صحت کے لیے بے حد نقصان دہ ہے، اس سے نکسیر پھٹ سکتی ہے اور ناک سے خون کا اخراج بھی ہو سکتا ہے۔ ان کا کہنا تھا
کہ اگر گرم چائے پینے کی وجہ سے ناک سے خون بہنے لگے تو ۲۴گھنٹے تک چائے نہیں پینی چاہئے تاکہ خون کی شریانے صحیح طور پر کام کرسکیں۔واضح رہے کہ ۲۰۱۲میں یونیورسٹی آف گلیسگو میں تحقیق سے یہ بات بھی سامنے آئی تھی کہ زیادہ چائے پینے والوں میں غدود کے کینسر میں مبتلا ہونے کا خدشہ ۵۰فیصد زیادہ ہوتا ہے جب کہ ایران میں ہونے والی ایک تحقیق کے مطابق گرم مشروبات پینے والوں کو ”مری“ (گلے سے معدے تک کی نلی) کا کینسر بھی ہوسکتا ہے۔