گلوبل ڈائور سیٹی ایوارڈ‘ سے نوازے گئے شاہ رخ خان

لندن: بالی ووڈ اسٹار شاہ رخ خان کی ان کی فلمی دنیا کیلیے خدمات کو عالمی سطح پر بھی سراہا جار ہا ہے اور فرانس کے بعد انہیں برطانیہ میں بھی ایوارڈ سے نوازا گیا۔بھارتی اور پاکستانی فلم بینوں کے دلوں پر راج کرنے والے شاہ رخ خان کی شہرت اب یورپی دنیا میں بھی پہنچ چکی ہے۔ پہلے انہیں فرانس میں فرنچ ایوارڈ دیا گیا اور اب انہیں برطانیہ میں ’گلوبل ڈائی ورسٹی ایوارڈ‘ سے نوازا گیا ہے، رینبو فاونڈیشن کی جانب سے انہیں اس ایوارڈ سے نوازا گیا۔اس ،وقع پر شاہ رخ کا کہنا تھا کہ یہ ایوارڈ ان کے لیے بڑے عزت اور وقار کی بات ہے، آج کا دن ان کے لیے خصوصی دن ہے اور وہ اس ایوارڈ کو وصول کرتے ہوئے بہت خوشی محسوس کر رہے ہیں۔ ان کا کہنا تھا کہ اس ایوارڈ نے ان کے اندرمعاشرے کے پسے ہوئے طبقے کی خدمت کا جذبہ بیدار کیا ہے جب کہ رینبو فاوڈیشن کیبانی ہون کیتھ واز نے شاہ رخ خان کو خراج تحسین پیش کرتے ہوئے کہا کہ فلمی دنیا میں اس زمین پر شاہ رخ خان سب سے زیادہ مشہور اداکار ہیں۔واضح رہے کہ شاہ رخ خان عالمی سطح پر فرانس کا سب سے بڑا سویلین ایوارڈ’’چیولیئیرڈی لا لیجن‘‘ اور مراکش کا سب سے بڑا آنر ایوارڈ ’’الکافا الفکری‘‘ بھی حاصل کرچکے ہیں۔بالی وڈ سپر اسٹار شاہ رخ خان نے دعویٰ کیا ہے کہ وہ جس فلم میں بھی کام کرتے اپنی اسٹار پاور کی وجہ سے کامیاب بنا دیتے ہیں۔شاہ رخ نے اپنے ایک تازہ انٹرویو میں کہا کہ میں کسی بھی فلم میں کام کروں وہ کامیاب ہو جاتی ہے اور دھڑا دھڑ نوٹ کمانے لگتی ہے۔ شاہ رخ نے ایک سوال کے جواب میں کہا کہ یہ آف بیٹ فلم کیا ہوتی ہے؟ آپ مجھے کسی ’’آف بیٹ ‘‘ میں ڈال دیں تو وہ ’’ آن بیٹ ‘‘ ہو جائے گی۔ اداکار نے کہاکہ میں سمجھتا ہوں میں جس فلم کا حصہ ہوں گا وہ بڑی فلم بن جائے گی کیونکہ میں بڑا فلمی ستارہ ہوں۔ اداکار نے کہا کہ میں اپنی مرضی کرتا ہوں دوسروں کی مرضی پر چلنا میری فطرت نہیں۔ میں ایک بڑا اسٹار ہوں میرے پاس بے پناہ دولت ہے‘ میں مشہور ہوں اور بے شمار ایوارڈز جیت چکا ہوں‘ میں وہ فلمیں کرتا ہوں جو مجھے خوش کریں۔ میں نے را-ون کی کیونکہ میں اپنے بچوں کو خوش کرنا چاہتا تھا۔میرے والد ہاکی کھیلتے تھے اس لیے میں نے کم بجٹ سے بننے والی فلم چک دے انڈیا کی کیونکہ میرے نزدیک کچھ کرنے کے لیے اس کو کرنے کا جذبہ ہونا ضروری ہے۔ انھوں نے بتایا کہ وہ دو مزید آف بیٹ(غیر روایتی) فلموں میں کام کر رہے ہیں جن میں ’’ منین‘‘ اور ’’رئیس‘‘ شامل ہیں۔ شاہ رخ نے کہا کہ اس کی شہرت اس کے کام پر اثر انداز ہو رہی ہے تاہم انھیں کوئی فکر نہیں ہے۔ دوسری طرف سننے میں آ رہا ہے کہ شاہ رخ خان اوور کانفیڈنس کا شاید شکار ہو رہے ہیں اور شاید نئی نسل کے جذبات کو سمجھ نہیں پا رہے ہیں۔