گلوکارہ میڈونا نے ریبل ہارٹ کانسرٹس کا آغاز کر دیا

مانٹریال: گلوکارہ میڈونا نے ”ریبل ہارٹ” کانسرٹس کا آغازکر دیاہے۔ گلوکارہ میڈونا نے شمالی امریکا کے دورے کے سلسلے میں کینیڈا کے شہر مانٹریال سے ”ریبل ہارٹ” کانسرٹس کا آغاز کر دیا ہے جس میں وہ اپنے حقیقی رنگ میں نظر آئیں۔ میڈونا نے مانٹریال میں کانسرٹ کے دوران نہ صرف اپنے پرانے ہٹ نغمات سنائے بلکہ کانسرٹ کے دوران بار بار لباس بھی تبدیل کئے۔ پاپ گلوکارہ نے اسی پر اکتفا نہیں کیا بلکہ گٹار پر اپنی مہارت کا لوہا بھی منوایا۔ پاپ گلو کارہ نے اسی کی دہائی کے گانے ”برننگ اپ” بھی سنایا۔ اس ٹوور کے دوران وہ نیویارک، بوسٹن، شکاگو، فلاڈلفیا، وینکوور، سان جوز اور پورٹوریکو میں بھی کانسرٹ کریں گی۔ ستاون سالہ گلوکارہ نومبر سے یورپ کا دورہ بھی کریں گے۔