پنجی: گوا میں اگلے سال ہونے والے اسمبلی انتخابات کے لئے عام آدمی پارٹی نے امیدواروں کی آٹھویں فہرست جاری کی ہے ۔ پارٹی نے آج اپنے چار امیدواروں کے ناموں کا اعلان کیا ہے ۔
پارٹی کی طرف سے کل جاری بیان کے مطابق ان امیدواروں کے ناموں کا اعلان عام آدمی پارٹی کے قومی کنوینر اور دہلی کے وزیر اعلی اروند کیجریوال کی صدارت میں ہوئی پارٹی کی سیاسی امور کی کمیٹی کی منظوری کے بعد ہوا ہے ۔
اس فہرست کے مطابق گوا کانگریس کے سابق جنرل سکریٹری سنتوش پائی ریترکار (62) عام آدمی پارٹی کے ٹکٹ پر مژگاؤں سے الیکشن لڑیں گے ، پیشے سے انجینئر ایڈون ڈومنک واز (38) کوکورٹارم سیٹ سے قسمت آزمانے کا موقع ملے گا، ماہی گیروں کے رہنما کے طور پر جانے جانے والے وسنت سہدیو نائیک (47) ڈابولم سیٹ سے الیکشن لڑیں گے جبکہ سابق کونسلر آشیش کانیکر کو والپوئی سیٹ سے ٹکٹ دیا گیا ہے ۔
ریاست کے اسمبلی انتخابات کے لیے پارٹی نے اب تک 36 امیدواروں کا اعلان کیا ہے جس میں ریاست کے کنوینر اور وزیر اعلی کے عہدے کے امیدوار ایلوس گومز کا نام بھی شامل ہے ۔ پارٹی پہلے ہی اعلان کر چکی ہے کہ وہ ریاست کی سبھی 40 سیٹوں پر الیکشن لڑے گی۔
