لکھنؤ۔(نامہ نگار)گوسائیں گنج تیز رفتار ٹرک کی ٹکر سے اسکول جارہی ایک طالبہ شدید طور پر زخمی ہوگئی اسے ٹراما سینٹر میں داخل کرایا گیا جہاں اس کی حالت نازک بتائی جارہی ہے ۔پولیس نے ٹرک کو اپنے قبضہ میں لے لیا اور فرار ڈائیور کی تلاش کررہی ہے ۔ گوسائیں گنج کے چاند سرائے کے رہنے والے محمود موجودہ پردھان ہیں، ان کی ۱۱سالہ بیٹی ثنا بال گائڈ انٹر کالج میں درجہ سات کی طالبہ ہے ،منگل کو وہ اسکول جارہی تھی کہ تیز رفتار میں آرہے ٹرک نے سیولر کے نزدیک اسے ٹکر ماردیا۔ جس سے ثنا شدیدطور پر زخمی ہوگئی اسے ٹراما سینٹر میں داخل کرایا گیاجہاں اس کی حالت نازک بتائی جارہی ہے۔ پولیس نے ٹرک کواپنے قبضہ میں لے لیا۔
