گوپال گنج میں باپ کا گولی مارکر قتل

گوپال گنج: بہار میں ضلع گوپال گنج میں تھاوے تھانہ کے تحت کل رات بیٹے نے باپ کو گولی مارکر قتل کردیا۔
سب ڈویزنل پولیس افسر (صدر) منوج کمار نے آج یہاں بتایا کہ ہردیا گاوں میں بیٹے ارشاد نے والد بابر علی (56) کو گولی مارکر قتل کردیا۔ انہوں نے بتایا کہ اسی تھانہ کے تحت جنگلیا گاوں میں رہنے والے بابر نے دو شادیاں کی تھیں اور وہ اپنی دوسری بیوی نظرا پروین کے ساتھ ہردیا گاوں میں رہتا تھا۔
مسٹر کمار نے بتایا کہ دوسری بیوی کے ساتھ رہنے سے اس کی پہلی بیوی ممتاز اور اس کے بیٹے ناراض تھے اور غالباََ اسی وجہ سے اس نے اسے قتل کردیا۔ اس سلسلہ میں نظرا کے بیان پر متعلقہ تھانہ میں ممتاز اور ارشاد کے علاوہ دو دیگر بیٹوں شمشاد اور دلشاد کے خلاف معاملہ درج کیا گیا ہے ۔ واقعہ کے بعد سے ملزم فرار ہیں جنہیں گرفتار کرنے کیلئے پولیس چھاپے مار رہی ہے ۔ لاش پوسٹ مارٹم کے لئے گوپال گنج صدر اسپتال بھیج دی گئی ہے ۔