لکھنؤ۔(نامہ نگار)۔ غازی پور علاقہ میں چند روز قبل ایک ہوٹل میں ایک چور کو پولیس نے گرفتار کر لیا۔ پولیس نے اس کے قبضہ سے چوری کا گیس سلنڈر، برتن اور نقد رقم برآمد کی۔ ملزمین نے اپنے دو دیگر ساتھیوں کے نام بھی پولیس کو بتائے ہیں۔ ایس او غازی پور نویندر سنگھ سروہی نے بتایا کہ اتوار کو دیر رات پولیس نے نرائن نگر کے قریب ایک شخص کو مشتبہ طور پر پکڑا۔ پولیس کو اس کے قبضہ سے ایگ گیس سلنڈر ، بھگونا، بھٹی اور تین ہزار روپئے نقد ملے۔ تفتیش کے دوران پکڑے گئے نوجوان نے بتایا کہ یہ سامان اور نقد روپئے اس نے چند روز قبل اپنے دو ساتھیوں کے ساتھ مل کر اگروال کامپلیکس میں واقع ایک ہوٹل سے چوری کئے تھے۔ ملزم نے اپنا نام کوشل سنگھ ساکن بڑی جگولی گومتی نگر بتایا ہے۔
اور ساتھیوں کا نام سندیپ اور مہندر بتائے ہیں۔
