ہالی ووڈ ایڈونچر فلم دی جنگل بک کا ٹریلیر ریلیز

لاس اینجلس: ہالی ووڈ ایڈونچر اور ڈرامہ سے بھرپور فلم ”دی جنگل بک”کا ٹریلیر ریلیز، فلم 15 اپریل کوسینما گھروں کی زینت بنے گی۔ ایکشن تھری ڈی اینیمیٹڈ فلموں کے شائقین ہو جائیں تیار ہالی ووڈ کی ڈرامے اور ایڈونچر سے بھرپور نئی لائیوایکشن تھری ڈی اینی میٹڈفلم “دی جنگل بک” کا انٹرنیشنل ٹریلر جاری کر دیا گیا ہے۔ جان فیفریو کی ہدایت کاری میں بننے والی اس فلم کی کہانی ایک ایسے یتیم بچے کے گِرد گھومتی ہے جس کی تربیت گھنے جنگلات میں خطرناک جانور کرتے ہیں۔ بریگھم ٹیلر کی پروڈکشن میں بننے والی اس فینٹسی ڈرامہ فلم کے مختلف کرداروں کیلئے پس پردہ آواز کا جادو جگانے والے اداکاروں میں بین کنگسلے، بِل مری، لیوپیٹا گانگ، نیل سیٹی، سکارلیٹ جانسن، کرسٹوفر واکن اورگیانس کارلوایسپوسیٹو شامل ہیں۔ آئندہ سال 15 اپریل کو سینما گھروں میں نمائش کے لیے پیش کی جائے گی۔