ہالی ووڈ فلم میں ایکشن کردار اداکریں گی نرگس فاخری

ممبئی(وارتا)بالی ووڈکی راک اسٹارگرل نرگس فاخری اپنی پہلی ہالی ووڈ فلم میں ایکشن کرداراداکرتی نظرآئیں گی۔ نرگس فاخری امریکہ میں اپنی پہلی بین الاقوامی فلم اسپائی کی شوٹنگ کے بعد ممبئی واپس آئیں ہیں۔ پال فیگ کی ہدایت میں بن رہی اس فلم میں نرگس فاخری ایکشن کرتی نظرآئیں گی۔ نرگس فاخری نے کہا کہ اس فلم میں جیوڈلا کا بھی اہم کردارہے لیکن میں نے ان کے ساتھ شوٹنگ نہیںکی ہے۔نرگس فاخری نے کہا کہ فال فیگ نے برائڈس میڈ اورہیٹ جیسی کامیاب فلمو ںکی ہدایت کاری کی ہے وہ کام کرنے کے لحاظ سے حیرت انگیز ہیں۔ مجھے کام کے سلسلے میںتقریباًایک ہفتے کے لئے جانا پڑا۔میںآپ سے اپنے کردار کے بارے میں صرف اتنا کہوںگی کہ یہ ماردھاڑ سے بھرپور ہے۔ ۲۰۱۱ میں آئی فلم راک اسٹار سے بالی ووڈ میں اپنے کیریئر کی شروعات کرنے والی نرگس فاخری نے کہا کہ بالی ووڈاورہالی ووڈ میں کام کرنے کا تجربہ الگ الگ ہے میں دونوں جگہوں پر کام کرنے کا لطف اٹھارہی ہوں لیکن بالی ووڈ کے مقابلے میںہالی ووڈ زیادہ منظم ہے۔ نرگس فاخری کی ابھی حال ہی میں فلم میں تیرا ہیرو ریلیز ہوئی ہے۔