ممبئی (وارتا)بالی ووڈ کے چاکلیٹی ہیرو عمران خان کا کہنا ہے کہ وہ ہالی ووڈ کی فلموں میں کام نہیںکر نا چاہتے ہیں ۔ عمران خان نے ابھی حال ہی میں ہالی ووڈ کی اینی میشن فلم ریو ۔ ۲ میں اپنی آواز دی ہے ۔ عمران خان نے کہا کہ ہالی ووڈ کی فلموں میں کام کرنے کی میری کوئی دلچسپی نہیںہے ۔ ہالی ووڈ کی فلموں میں ہندوستانی اداکاروں کو اچھے کردا ر نہیں دئے جاتے ہیں ۔ میں ہندوستانی فلموں میںہی کام کرکے بے حد خوش ہوں ۔ عمران خان نے کہا کہ ریو ۔۲ میں آواز دے کر مجھے کافی مزہ آیا ۔ جب آپ کسی اینی میٹیڈ کردار کے لئے آواز دیتے ہیںتو آپ کو بے حد مزہ آتا ہے ۔ میں کافی عرصے سے ایسا ہی کچھ کرنا چاہتا تھا ۔ کئی بار مجھے اینی میشن فلم کے لئے آواز دینے کی پیشکش ہوئی لیکن میں اس میں کام نہیں کر سکا ۔ میں اس بات کو لیکر بے حد خوش ہو ں کہ مجھے ریو ۔۲ کے لئے آواز دینے کا موقع ملا ۔ واضح رہے کہ عمران خان ریو۔۲ میں بلو جب کہ سوناکشی سنہا نے جے ویل نام کے کردار کے لئے اپنی آواز دی ہے ۔ یہ فلم گیارہ اپریل کو ہندوستان میں ریلیز ہوگی ۔ ریو۔ ۲ ، ۲۰۱۱ میں آئی فلم ریو کی سیکول ہے ۔
