ہماری پوری توجہ مستقبل پر مرکوز : سائنا

حیدرآباد ۔ انڈیا گراں پری گولڈ میں ملی خطابی جیت سے کھو یاعتماد حاصل کرنے والی ہندوستانی بیڈمنٹن اسٹار سائنا نہوال نے آج کہا کہ چوٹ کی وجہ سے گزشتہ سال ملی ناکامیوں کو وہ بھلا چکی ہے ۔سائنا نے 15 ماہ کے خطابی خشک کو دور کرتے ہوئے پی وی سندھ کو شکست دے کر انڈیا گراں پری جیت لی ۔سال 2013 میں اپنی خراب کارکردگی کے بارے میں اس نے کہا کہ گزشتہ سال اس کے ساتھ کچھ بھی صحیح نہیں ہوا ۔سائنا نے کہا میں مایوس تھی ۔ اتنے اعلی سطح پر کھیلنے کے بعد آپ اچھی کارکردگی کا مظاہرہ نہیں کر سکیں تو مایوسی تو ہوتی ہی ہے ۔کئی وجہ سے میں اس کے لئے جوابدہ تھی۔ میرے انگوٹھے میں فریکچر ہوا تھا اور میں نے سوچا نہیں تھا کہ یہ ایسے وقت پر ہو گا ۔اس نے کہا سپر سیریز کے فائنل کے بعد مجھے لگا کہ مجھے اب بریک لے لینا چاہئے کیونکہ یہ سال کافی مشکل ہوگا ۔اس سال ایشیائی کھیل اور دولت مشترکہ کھیل ہیں ۔ اس نے کہا ، گوپی سر ( قومی کوچ پلیلا گوپی چند ) اور میں نے طے کیا کہ کوریا اوپن نہیں کھیلنا چاہئے اور چار ہفتے کا بریک لینا ٹھیک ہوگا تاکہ ملیشیا اور انڈیا اوپن میں اچھی کارکردگی کا مظاہرہ کر سکوں ۔