ہم عمر ہیرو کے ساتھ ہی فلمیں کریں گی کرینہ

بالی ووڈ میں ہیرو اپنے سے کم عمر کی ہیروئنوں کے ساتھ فلمیں کرنے سے ذرا بھی گریز نہیں کرتے وہیں بہت سی ہیروئنیں ایسی بھی ہیں جو اپنے سے کم عمر کے ہیرو کے ساتھ کام کرنا نہیں چاہتی۔ اس کی تازہ مثال بنی ہیں کرینہ کپور۔ انہوں نے ورون دھون کے ساتھ کام کرنے سے اس لئے انکار کر دیا کہ ان کی عمر کرینہ سے بہت کم ہے۔ ان کا کہنا ہے کہ وہ اپنے سے کم عمر والے آرٹسٹ کے ساتھ آن اسکرین رومانس نہیں کرنا چاہتی۔ وہ اپنے کو شاہ رخ خان، عامر خان، سلمان خان، اجے اور اکشے کمار کے ساتھ ہی فٹ سمجھتی ہیں۔ ان فنکاروں کے ساتھ ان کی جوڑی بھی اچھی لگتی ہے۔ اگرچہ دو ہزار بارہ میں وہ فلم ایک میں اور ایک تو میں دو سال چھوٹے عمران خان کے ساتھ کام کر چکی ہیں۔ ان کی ان کے ساتھ دوسری فلم گوری تیرے پیار میں بھی آ چکی ہے۔