ہوٹل ٹرانسلوانیا ٹو کا نیا ٹریلر جاری

ہالی ووڈ: ہالی ووڈ میں آنے والی نئی کامیڈی اینیمیٹد فلم ‘ہوٹل ٹرانسلوانیا’ کے سیکوئل ‘ہوٹل ٹرانسلوانیا ٹو’ کا نیا ٹریلر جاری کر دیا گیا ہے۔ غیر ملکی خبر رساں ادارے کے مطابق ہدایتکار جینڈی ٹارٹاکووسکی کی اس کامیڈی فلم کی کہانی ایک ڈریکولا کے کردار کے گرد کھومتی ہے جس نے دیوئوں اور بلائوں کے لیے فائیو اسٹار ریسورٹ بنایا ہوا ہے۔ مشعیل مرڈوکا کی پروڈیوس کردہ اس فلم کے مرکزی کرداروں کے ڈائیلاگز کی ڈبنگ معروف ہالی ووڈ اداکار ایڈم سینڈلر، گلوکارہ و اداکارہ سلینا گومز اور ڈیوڈ اسپیڈ کی آوازوں میں کروائی گئی ہے۔ کولمبیا پکچرز کے تحت اس تھری ڈی اینیمیٹڈ فلم ‘ہوٹل ٹرانسلوانیا ٹو’ کو 25 ستمبر کو دنیا بھر کے سنیما گھروں میں نمائش کے لیے پیش کر دیا جائے گا۔