ممبئی۔(ایجنسی) بالی ووڈ کی نئی اداکارہ ایولن شرما کا کہنا ہے کہ ان کی آنے والی فلم میں تیرا ہیرو ہٹ ثابت ہوگی ۔سال ۲۰۱۲ میں ریلیز فلم فرام سڈنی وتھ لو سے بالی ووڈ میں اپنے کیریئر کی شروعات کرنے والی ایولن نے یہ جوانی ہے دیوانی اور یاریاں جیسی ہٹ فلموں میں کام کیا ہے ۔ ایولن کی اب میں تیرا ہیرو ریلیز ہونے جا رہی ہے ۔ایولن کا کہنا ہے کہ میں تیرا ہیرو بھی ٹکٹ کھڑکی پر ہٹ ثابت ہوگی ۔ جرمنی کی معروف ماڈل اداکارہ ایولن شرما نے کہا کہ جب میں ہندوستان آئی تو میں نے چھ ماہ تک ماڈلنگ کی ۔ اس دوران کئی فلم سازوں نے مجھے نوٹس کیا۔ انہوں نے کہا کہ میں نے چار ماہ تک اداکاری کی تعلیم لی ۔ اس کے بعد میں نے آڈیشن دیا اور مجھے
کام ملتا چلا گیا ۔ انہوں نے کہا کہ ابتدائی دور میں مجھے ہندی سیکھنے میں مشکلات کا سامنا کرنا پڑا ، لیکن میں نے اپنی ہر فلم کی ڈبنگ خود کی ۔ میں اس بات کو لے کر بہت خوش ہوں ۔ قابل ذکر ہے کہ ایکتا کپور کے بینر تلے بنی فلم میں تیرا ہیرو میں ایولن شرما کے علاوہ ورون ، الیانا ڈکروز ، نرگس فاخری اور انوپم کھیر کی بھی اہم کردار ہیں۔ فلم۴؍ اپریل کو ریلیزہوگی ۔
