گورکھپور(نامہ نگار)ریاست کے باوقار’ یش بھارتی‘اعزاز کیلئے نامزد کمانڈوٹرینر ابھیشیک یادو پر جان سے مارنے کی نیت سے حملہ کیاگیا۔ ایس پی دیہات برجیش سنگھ نے بتایاکہ چوری چوراعلاقہ کے باشندے ابھیشیک یادو کل رات اپنے دوست چندربھوشن منی ترپاٹھی کے ساتھ اپنے کسی رشتہ دارکے یہاں جارہے تھے راستے میں سردار پورسریاگائوں میں موٹرسائیکل پر سوار دونوجوانوں نے ان کی موٹرسائیکل کو روکنے کے بعد گولی چلادی جو موٹرسائیکل کے شیشے میں جاکر لگی۔ مسٹرسنگھ نے بتایاکہ مذکورہ واردات میں کوئی زخمی نہیں ہوا۔ اس معاملے میںچوری چوراتھانہ میں نامعلوم افراد کے خلاف مقدمہ درج کرایاگیاہے۔ معاملے کی تفتیش کی جارہی ہے واضح رہے کہ ابھیشیک یادو کو ’یش بھارتی ‘اعزاز کیلئے نامزدکیا گیا ہے لیکن ان کے دعوں کے سلسلے میں تنازعہ ہوگیاہے۔
