یمن: سعودی اتحادیوں کی بمباری، 15 افراد ہلاک

صنعائ: یمن کے دارالحکومت صنعاء میں سعودی اتحادی طیاروں کی بمباری سے 15 افراد ہلاک ہو گئے۔ ایک ریسکیو اہلکار نے فرانسیسی خبر رساں ادارے کو بتایا کہ گذشتہ شب سعودی اتحادی طیاروں نے شدید بمباری کی، جس کے نتیجہ میں ہلاک ہونے والوں میں 10 عام شہری بھی شامل ہیں۔ حملہ الفلاحی کے علاقہ کے قریب ہوا، جس میں ایک ہی خاندان کے 10 افراد ہلاک ہوئے۔ رہائشیوں نے کہا کہ بمباری سے 4 گھر تباہ اور 15 کو نقصان پہنچا ہے۔ عینی شاہدین نے کہا ہے کہ اس حملہ میں 5 حوثی باغی بھی ہلاک ہوئے ہیں۔